2014年4月14日 星期一

其他分析 - 德雷斯羅薩劇情展望 (uwants - 20140413)

[微推測]德雷斯羅薩--未來劇情的展望

資料來源: http://www.uwants.com/viewthread.php?tid=17309956&extra=page%3D1

今次分析是獨家POST在UWANTS 的海賊版區,我應該不會POST在其他OP論壇上。
其實這次分析很難開始,因為範圍較廣比較散,但都希望版友們會喜歡吧。

呀係AR仲有,分析師一般思考模式都相近,而且也很清楚尾田的風格,
所以推測相似是經常發生,因此如有雷同 實屬巧合

=====德雷斯羅薩的"萬里長城"=====

由第743話我們得知,原來德雷斯羅薩島內是有一條橫越整個島的"萬里長城"(我們姑且叫這個做萬里長城)


根據上圖,在明哥盜國之前這一條萬里長城是不存在的,

所以我們可以推測出這條萬里長城應該是明哥下令所建造的。


同時從上圖可以看到"萬里長城"是穿過皇宮的石牆,但好地地一條橋,為什麼要穿過皇宮的石牆呢?

那麼我們可以從"地下的交易港"的方向進行猜測,


因為"正常"要到地下的交易港的路,都是在德雷斯羅薩島的中心,

皇宮就是其中一個可以進入地下交易港的地方。

所以推測出"萬里長城"是在這十年內由明哥下令建造,並和明哥的地下生意交易是有密切的關係。


而另外第743話後,大部分人立即就會把它和勞工之國的"島連島大橋"聯想在一起,

但兩者其實有少許不同,"島連島大橋"的橋墩與橋墩之間的距離是相當闊,

目的是方便船可以在橋底通過,而"萬里長城"的橋墩之間就很窄,

至少在島內的結構,"萬里長城"橋墩之間是很窄的。

橋墩之間很窄,代表建造時間和金錢都高,但相對就會換來一條結構很強的橋。

有些人可能唔知,其實尾田只有1年的大學生涯係讀建築,上述那種關係他當然很清楚。

而"萬里長城"的結構就可以作為其用途的一個分析點!

=====橋的作用=====

雖然"島連島大橋"和"萬里長城"有不同,

但我仍然相信"萬里長城"也是一條連接某個島的大橋,

目的是以"陸運"的方式運送貨物到德雷斯羅薩島的地下交易海港。

"陸運"和"海運"的不同就是,"陸運"能運送的貨物量可以好大,

而且可以無間斷,也沒有海運那麼受天氣影響,在速度上"陸運"也會佔優!

因為德雷斯羅薩島的地下交易海港是整個地下世界不同類型的交易的一個轉口港,

*所以包括最主要的武器交易也是從這個港口輸出。


還記得今話薩波說什麼嗎?

武器工廠並不在德雷斯羅薩!

那麼這條"萬里長城"其實就是連接一個製造武器的島,

武器就是以陸運的方式,

經過這一條島連島的大橋從"製造武器的島"運送武器到德雷斯羅薩島的地下交易海港!

我可以說這一個製造武器的島現在好大可能就是"黑暗磁鼓國"

因為在地下廢料場當中發現了大量的瓦波爾曾經製造的玩具,為什麼會在這裡呢?


*為什麼會在這裡並不是重點,重點是這是尾田交給我們的線索,就是瓦爾波和明哥有關。


在扉頁連載中,我們得知瓦爾波成功製造了記憶金屬--瓦爾波合金,也就是將軍的物料。

這個發明使得他能再度立國--"黑暗磁鼓國",

而黑暗磁鼓國立國的地點,其實就是一直為明哥製造武器的島,

基於瓦爾波發明"瓦爾波合金",明哥利用天龍人的身份讓瓦波爾在"製造武器的島"上立國,

條件是瓦爾波要以"瓦波爾合金"製造武器,並提供作武器交易!!

在這裡問問大家,搖控飛機和真飛機最大的分別是什麼?

兩者分別其實只是在於物料和體積,兩者的結構和飛行原理差不多是相同的。

那麼如果這樣想的話,玩具和武器其實也是一線之差!


=====橋的作用2=====


上面我曾經提到"萬里長城"的結構,它橋墩之間很窄,但相信只是在島內,

而這種結構的實際目的是收藏一個機關,


我們都知道轉口港是在地底,而海平面是在地面上,

那麼能夠讓水上交通工具來往不同高度的水面就只有一種設計,

那就是"水電梯"!!

"萬里長城"的窄橋墩結構,目的是用來收藏一個讓大型船隻也可以到達地底的"水電梯"!

*這個推測還有一個佐證,就是"地下交易海港的通道"和"萬里長城"是向著同一個方向。



=====

回到"黑暗磁鼓國",究竟"黑暗磁鼓國"會唔會有可能是"象"島呢?

其實都有可能,因為"象"島係下一個要去的島,草帽團無論去什麼島,都會有該島的敵人,

"象"島係"黑暗磁鼓國"的確有可能。


但係根據地圖,羅的船員貝波好似受了傷,

受了傷仲會選擇"象"島,咁"象"島應該係一個安全的島吧,

同時羅也建議守船組去"象"島,咁"象"島應該唔會係"黑暗磁鼓國"或其他危險的島吧

=====明哥的目的=====

最早說出"明哥目的"的人是莫奈,

從這裡我們得到明哥都想成為海賊王的,而唔係做生意發大達。



所以,SMILE明顯只係明哥的計劃的一部分,

一個想做海賊王的人點會幫四皇的團隊變勁?

四皇是最接近ONE PIECE的海賊,想成為海賊王,除了KO四皇,別無他法。

SMILE其中一定有陰謀。

除了SMILE外,明哥和其他四皇之間可能還有其他交易,

這裡有一個懷疑同白鬍子有關的陰謀:明哥標誌


白鬍子的病,會不會不是老人病,而是明哥秘密導致的呢?

反而最後卻讓黑鬍子冷手執個熱煎堆,殺了白鬍子。

因此可以推測明哥的生意+七武海身份,都只是明哥成為海賊王的踏腳石,

羅曾經說過:明哥死後世界會大亂。其實"明哥的死"就等於冇咗"地下中介人JOKER"


在這裡有一個唔係太嚴謹的推測:



貝拉密都曾經提過"風暴"這個字眼,基於貝拉密在這幾年至少都比路飛和羅接近明哥。

所以,佢應該係比路飛和羅清楚明哥,同知道一DD明哥的計劃。

因此貝拉密點都要上明哥隻船,來避開一個"新時代的"風暴"。

所以我大膽推測:貝拉密知道明哥在達成某D條件後,

就會放棄金錢王國+地下中介人JOKER

相信貝拉密唔知道"條件"係咩,只係知明哥早晚都會放棄金錢王國+地下中介人JOKER。

到時候世界會大亂(風暴),明哥就會快速向海賊王目標進發,急速上位,

所以貝拉密就要上明哥隻船。

=====
至於鳥籠可以肯定和明哥天龍人身份冇關,

因為羅以前已知道鳥籠是什麼,而以前不知道明哥是天龍人。

所以應該不是屠魔令之類的東西,應該是和明哥能力或某武器有關。

以下以YY為主
=====未來動向猜測=====

鳥籠的意義,相信係令明哥同路羅聯盟唔會咁快分勝負,即係明哥唔會咁快被KO,
因為明哥身上仲有好多迷團,迷團未解一日唔會咁快被KO,
迷團包括:「點解要整SMILE」﹑「明哥身世」﹑「點解死都要盜取德雷斯羅薩」等等...

同時因為SMILE工廠被破壞,已經唔可以再留在德雷斯羅薩,
根據上面的分析,明哥目標是海賊王,
佢被迫要提早進行佢成為海賊王的計劃,放棄金錢王國+地下中介人JOKER。

然後我猜測個故仔會進入一個我稱為"打四皇的準備篇"

而下一個島一定係"象",因為羅的同伴在那裡,但同時間現在又多了幾個島可能作為目標,


最主要分別係和之國,艾爾巴夫,勉強算上花之國。
因為路飛講過話想去和之國,而烏索普過話想去艾爾巴夫。
對應返:狐火錦衛門﹑巨人戰士海爾丁

在分析上面的結論前,就詳細少少再講多次羅的計劃

本來個PLAN係:最終目的係令KO KAIDO的機率達到50%
1.綁架 CEASAR--->要脅明哥放棄75海--->使其失去免被海軍通緝的權利
2.催毀SAD 工廠
3.催毀SMILE 工廠
4.使DOFLAMINGO成為KAIDO的敵人
5.利用DOFLAMINGO作為對付KAIDO的棋子
-以上係暫時已交代的,後面應該仲有一D步驟未公佈。

但根據第724話,羅同明哥講:佢的目的一直都係對付明哥。

所以個PLAN實際上的目的係用來對付DOFLAMINGO
而對付KAIDO只係羅根據個PLAN而"可能"產生的副效果,
同時也作為令草帽成為同盟的誘餌。

再根據第744話,羅同路飛講話同盟已結束,
相信個PLAN實際上的目的真係用來對付DOFLAMINGO,並唔係羅對明哥講的大話。
但當然唔排除只係羅想趕路飛走,先同路飛講話同盟已結束。

但ANYWAY,無論最初目標係唔係真係KAIDO,羅的計劃在"影響KAIDO"方面的描述都係事實,
而且呢個計劃已經影響到KAIDO,加上LUFFY救咗LAW,會屨行打KAIDO承諾
既然已經對其造成影響,唔通等KAIDO恢復哂先打咩。
所以KAIDO一定會係第一個打的四皇。

大家都知道,今篇之後會多咗好多新世界強者做幫手
所以無論個PLAN係唔係對付KAIDO,E家都已經有對付四皇KAIDO的強大隊伍。

另外,可以肯定對付四皇KAIDO的強大隊伍當中會包括:狐火錦衛門﹑巨人戰士海爾丁
所以打完KAIDO應該大家開完PARTY就要散BAND,
而且KO完KAIDO新世界的混亂,應該都唔容許佢地去和之國同艾爾巴夫。

所以和之國(假設唔係KO KAIDO的場地)同艾爾巴夫,應該是在準備打KAIDO的時候去,
而逐個島去太嘥時間,可能草帽團會分隊去,
去呢D島的目的有好多,
可能係狐火錦衛門或巨人戰士海爾丁話去搵幫手或者對KO KAIDO有咩幫助而要去。
總之同四皇有關。

上述YY居多,睇完就算唔洗認真。

=====山治VS BIG MOM=====

山治 BIG MOM條支線一直都唔講,相信係要在德島完結之後先交代,

分析這個,要以"漫畫故事的敘述方式"作為分析方向,

當故事同時有幾條支線ABC的時候,在敘述一條支線A的時候,其他支線BC的時間係繼續的

所以一轉返另一條支線B時,一定會MISS咗因為剛剛要敘述支線A時候,支線B所發生的故事。

如果作者想講返因為MISS咗的故事,就會用"追溯"講返XX小時前...

所以就可以推測當講返山治 BIG MOM條支線的時候,

一係就是該支線的劇情的最後結果,一係就係"追溯"講返XX小時前山治 BIG MOM之間的事。

但山治 BIG MOM之間的事,如果在DRESSROSA之後之講,
係無咩好講,一來OP少海戰因為冇咩說話,只係打來打去,
本來係適合在DRESSROSA故事敘述期間穿插的支線,所以如果在DRESSROSA之後先講,

"追溯"的可能性好低,而且大家應該係對個最後結果有興趣多D。
所以應該係直接講結果。

WT之所以要寫山治 VS BIG MOM呢條線,一定唔止係為咗唔俾守船組回到DRESSROSA,
如果只係唔俾守船組回到DRESSROSA,根本唔需要作BIG MOM突入,

所以如果係直接講結果。
最後山治 BIG MOM條支線的結果唔會好,可能佢地成功到達"象",

但山治重傷,因為山治對錦衛門有恩(恩情最大),可能會因此而開到和之國的故事
例如和之國有D咩法寶秘方救到山治。

好結果就只有BIG MOM係羅拉阿媽,
但愈多人講BIG MOM係羅拉阿媽,這個推測就愈少機會中,我認為。
如果連BIG MOM都變FRIEND ,KAIDO真係唔洗打,
羅拉阿媽可能只係銀牌選手或傳說海賊

=====
還有呢,武士勘十郎和小人族公主到E家都未出場呢?

==========
分析只作娛樂大眾,始終漫畫又唔係自己畫的,如果最後推測唔中一D都唔出奇。

根據已往發"分析帖"的經驗,我發的分析帖在UWANTS的回覆率都比我發在其他OP論壇為低,
打咗好耐!!麻煩如果看完的,就回一下讚就讚﹑插就插,而如果唔想回覆的都按一下加熱吧。
唔會按一下加熱按鈕都懶?
講真呢D帖本身寫都要用好多時間,仲未計搵圖同構思。加加埋埋都要成一日。
如果冇人支持,呢D POST係無咩存在意義,真係唔會嘥時間再寫。

沒有留言:

張貼留言